ആറു പുതിയ കണ്ടെയ്ന്‍മെന്റ് സോണുകള്‍കൂടി; ഈരാറ്റുപേട്ടയില്‍ കര്‍ശന നിയന്ത്രണങ്ങള്‍

കോട്ടയം: കോട്ടയം മുനിസിപ്പാലിറ്റി 9, ചിറക്കടവ് ഗ്രാമപഞ്ചായത്ത് 2, 3, തലപ്പലം 2, പൂഞ്ഞാര്‍ തെക്കേക്കര 8, കുമരകം 15 എന്നീ തദേശ സ്വയം ഭരണ സ്ഥാപന വാര്‍ഡുകളെ കോവിഡ് കണ്ടെയ്ന്‍മെന്റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി.

കോട്ടയം മുനിസിപ്പാലിറ്റി 29, 47, ഏറ്റുമാനൂര്‍ 18, 34 പാമ്പാടി ഗ്രാമപഞ്ചായത്ത് 12, കുറിച്ചി 12, പനച്ചിക്കാട്18, ചെമ്പ് 4, തീക്കോയി 13 എന്നിവയെ പട്ടികയില്‍നിന്ന് ഒഴിവാക്കി.

ഈരാറ്റുപേട്ട മുനിസിപ്പാലിറ്റിയിലും മുണ്ടക്കയം ഗ്രാമപഞ്ചായത്തിലും കോവിഡ് ബാധിക്കുന്നവരുടെ എണ്ണം വര്‍ധിച്ചുവരുന്ന സാഹചര്യത്തില്‍ ഇനി ഒരു ഉത്തരവ് ഉണ്ടാകുന്നതുവരെ ജനങ്ങള്‍ അനാവശ്യമായി പുറത്തിറങ്ങുകയോ അഞ്ചോ അതിലധികമോ ആളുകള്‍ കൂട്ടം കൂടുകയോ ചെയ്യാന്‍ പാടില്ലെന്ന് ഉത്തരവില്‍ പറയുന്നു.

കണ്ടെയ്ന്‍മെന്റ് സോണായി പ്രഖ്യാപിച്ചിട്ടുള്ള വാര്‍ഡുകളില്‍ പോലീസ് ക്രിട്ടിക്കല്‍ കണ്ടെയ്ന്‍മെന്റ് സോണായി തിരിച്ചിട്ടുള്ള മേഖലയില്‍ യാതൊരുവിധ പ്രവര്‍ത്തനങ്ങളും അനുവദിക്കില്ല.

ഈ മേഖലയ്ക്കു പുറത്ത് വ്യാപാര സ്ഥാപനങ്ങള്‍ രാവിലെ ഏഴു മുതല്‍ ഉച്ചകഴിഞ്ഞ് രണ്ടുവരെ മാത്രമേ പ്രവര്‍ത്തിക്കുവാന്‍ പാടുള്ളൂ. ഹോട്ടലുകളില്‍ രണ്ടു മണിക്കുശേഷം ഒന്‍പതു വരെ പാഴ്‌സല്‍ സര്‍വീസ് അനുവദിക്കും.

തുടര്‍ച്ചയായ ദിവസങ്ങളില്‍ കോവിഡ് റിപ്പോര്‍ട്ട് ചെയ്യപ്പെട്ട കോട്ടയം മുനിസിപ്പാലിറ്റിയിലെ 14ാം വാര്‍ഡ് ക്ലസ്റ്റര്‍ കണ്ടെയ്ന്‍മെന്റ് സോണായി പ്രഖ്യാപിച്ചു. ഇവിടെ ക്രിട്ടക്കല്‍ കണ്ടെയ്ന്‍മെന്റ് സോണിനു പുറത്ത് വ്യാപാര സ്ഥാപനങ്ങളുടെ പ്രവര്‍ത്തന സമയം രാവിലെ ഏഴു മുതല്‍ ഉച്ചകഴിഞ്ഞ് രണ്ടുവരെയാണ്.

രണ്ടു മണിക്കുശേഷം ഒന്‍പതു വരെ ഹോട്ടലുകളില്‍ പാഴ്‌സല്‍ സര്‍വീസ് നടത്താം. നിലവില്‍ 29 തദ്ദേശഭരണ സ്ഥാപന മേഖലകളില്‍ 68 കണ്ടെയ്ന്‍മെന്റ് സോണുകളാണുള്ളത്.

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന് ക്രമത്തില്‍)

മുനിസിപ്പാലിറ്റികള്‍

1.ഏറ്റുമാനൂര്‍ 4, 12, 14, 27 ,
2.കോട്ടയം 9, 14, 19, 27, 28, 43, 44, 48, 35

  1. ഈരാറ്റുപേട്ട 2, 9, 10, 11, 12, 25, 27
  2. വൈക്കം 14

ഗ്രാമപഞ്ചായത്തുകള്‍

5.ഉദയനാപുരം 9, 3
6.മാടപ്പള്ളി 11
7.അതിരമ്പുഴ9, 10, 12, 21
8.വിജയപുരം 5, 16

9.ആര്‍പ്പൂക്കര1, 13
10.പാമ്പാടി 17
11.കാഞ്ഞിരപ്പള്ളി 10,11,13

12.വെള്ളൂര്‍14
13.ചെമ്പ് 1, 2, 5, 6, 7, 9
14.മുണ്ടക്കയം 6, 8, 3,7,13, 18
15.പാറത്തോട്16

16.മുളക്കുളം3
17.മീനടം6

  1. കുമരകം 7,15
  2. നെടുംകുന്നം 6
  3. രാമപുരം 7, 8
    21.ഉഴവൂര്‍ 12
    22.അയര്‍ക്കുന്നം 7
    23.കിടങ്ങൂര്‍ 2,15
  4. വെച്ചൂര്‍ 13
  5. കങ്ങഴ 4
  6. കൂരോപ്പട 12
  7. പൂഞ്ഞാര്‍ തെക്കേക്കര 8
  8. ചിറക്കടവ് 2, 3
  9. തലപ്പലം 2

💞💞💞 പാലാവാര്‍ത്ത.com വാര്‍ത്തകള്‍ മൊബൈലില്‍ ലഭിക്കാന്‍ വാട്‌സാപ്പ് ഗ്രൂപ്പില്‍ അംഗമാകൂ. 🙏🙏🙏

Maxin Francis

Hi It's me, Maxin Francis! I'm a journalist by profesion and passion while blogging is my hobby, web designing, digital marketing and social media are all my cups of tea.

Leave a Reply

%d bloggers like this: