തൊടുപുഴ ബീവറേജ് ഔട്ട്ലെറ്റില്‍ കത്തിക്കുത്ത്; മൂന്ന് പേര്‍ക്ക് പരിക്കേറ്റു

തൊടുപുഴ: പോലീസ് സ്റ്റേഷന് സമീപത്തെ ബീവറേജസ് ഔട്ട്‌ലെറ്റില്‍ കത്തിക്കുത്ത്. മുട്ടം മലങ്കര സ്വദേശി ജോസാണ് ബീവറേജസ് ഔട്ട്‌ലെറ്റില്‍ ആക്രമണം നടത്തിയത്.

സംഭവത്തില്‍ മൂന്ന് പേര്‍ക്ക് പരിക്കേറ്റു. മദ്യം പൊതിഞ്ഞുനല്‍കുന്നതുമായി ബന്ധപ്പെട്ട വാക്കുതര്‍ക്കമാണ് കത്തിക്കുത്തില്‍ കലാശിച്ചതെന്നാണ് വിവരം. പ്രതി ജോസിനെ പോലീസ് കസ്റ്റഡിയിലെടുത്തിട്ടുണ്ട്.