കോട്ടയം ജില്ലയുടെ വിവിധ പോലീസ് സ്റ്റേഷനകളിൽ നിയമിക്കുന്നതിനായി 105 പാരാ ലീഗൽ വോളണ്ടിയർമാരെ ആവശ്യമുണ്ട്. അപേക്ഷകർ പത്താം തരം പാസ്സായിട്ടുള്ളവരും പ്രായപരിധി 25 – 65 ആയിരിക്കണം.
നിയമ വിദ്യാർത്ഥികൾക്ക് 18 – 65 ആണ് പ്രായപരിധി. അപേക്ഷകർ സജീവ രാഷ്ട്രീയ പ്രവർത്തകരും ക്രിമിനൽ കേസുകളിൽ ഉൾപ്പെട്ടവരും ആയിരിക്കരുത്.
പ്രവർത്തനത്തെ വരുമാന മാർഗമായി കാണാതെ ദുർബല വിഭാഗങ്ങളുടെ ഉന്നമനത്തിനായി ആർദ്രമായ മനസ്സോടെയും സാമൂഹ്യ പ്രതിബദ്ധതയോടെയും പ്രവർത്തിക്കാൻ സന്നദ്ധരായിരിക്കണം. സർവീസിലുള്ളവരും വിരമിച്ചവരുമായ അദ്ധ്യാപകർ, സർക്കാർ ജീവനക്കാർ, MSW വിദ്യാർത്ഥികൾ, അദ്ധ്യാപകർ, അഭിഭാഷകരായി എൻ റോൾ ചെയ്യാത്ത നിയമ വിദ്യാർത്ഥികൾ, രാഷ്ട്രീയേതര എൻ ജി ഒകൾ രാഷ്ട്രീയേതര ക്ലബുകൾ, സ്വയം സഹായ സംഘങ്ങളിലെ അംഗങ്ങൾ തുടങ്ങിയവർക്കും അപേക്ഷിക്കാവുന്നതാണ്.
പ്രതിദിനം 750/ രൂപയാണ് ഓണറേറിയം നിശ്ചയിച്ചിരിക്കുന്നത്. അപേക്ഷയിൽ സമീപകാലത്ത് എടുത്ത പാസ്പോർട്ട് സൈസ് ഫോട്ടോ പതിച്ചിരിക്കണം. അപേക്ഷ നൽകേണ്ട അവസാന തീയതി 05/02/2023 . അപേക്ഷ അയക്കേണ്ട വിലാസം: സെക്രട്ടറി, കോട്ടയം ജില്ലാ ലീഗൽ സർവീസസ് അതോറിറ്റി, മുട്ടമ്പലം പി.ഒ, മലങ്കര ക്വാർട്ടേഴ്സിന് സമീപം കോട്ടയം. ഫോൺ : 0481 2572422.
